Манай Монгол аймаар гооё....

        Ойрын үед арай л дуугүй байгаад байгаа юм шиг санагдаад байхаар нь юу ч хамаагүй бичмээр санагдаад бичиж сууна. Өнөөдрийн миний онцлох сэдэв бол тун удахгүй болох Мрнголын анхны тулгар төр Хүннү гүрнийг байгуулсны 2224 Их Монгол улсыг байгуулсны 809 Богд хаант Монгол улсаа байгуулж тусгаар тогтнолоо тунхагласны 104 Ардын хувьсгалын яруу алдарт 94 Ардчилсан хувьсгалын 25 жилийн ойн их баяр наадам бөгөөд  ер нь баяр наадамтай холбоотой өөрийн хэдэн бодлыг сийрүүлэе гэсэн билээ.
Бодсон нь 1
Толин хул гэдэг дууг байхгүй байхад наадам яаж болдог байсан юм бол оо? Энэ бол наадмын сүлд дуу. Эхний гийнгоо нь яваад эхлэхэд л  аль ч үед наадмын тухай бодол тархинд зурс хийн орж ирнэ. Үг бүрээс нь хурдны морь унаж явсан дурсамжууд сэргэнэ. Наадмын тухай олон сайхан дуу байдаг ч тэдгээрийг бүгдийг нь нийлүүлсэн ч Толин хулын тоосонд ч хүрэшгүй мэт. Хэрэв би мэддэгсэн бол энэ дуунд ТӨРИЙН СОЁРХОЛ хүртээхсэн. Ямартаа ч энэ дуу наадмаас салгаж болшгүй нэгэн хэсэг нь болон миний сэтгэлд уяагджээ.
Бодсон нь 2
Манай Монгол аймаар гооё....үүнтэй хэн ч маргахгүй , маргасан ч барахгүй билээ. Уул тал говь хангай хосолж, байгалын үзэсгэлэн  цогцолсон асар уудам  нутагтай атлаа  газар нутгийнхаа ганц цэг болох Улаанбаатар хотдоо улаан шоргоолжны үүр шиг бужигналдан аж төрцгөөдөг бөгөөд  манай улсын хүн амын яг тэн хагас нь тэнд байдаг. Тэгээд ч тэгдиймүү яадын тэндэээ бүх юугаа яадаг... тэр уг нь дэмий юм байгаан.
Энэ улсын баяр наадам жил жилд өөр аймгуудад зохиогддог бол гэж би уг нь боддын. Дээр үедээ бол яахав тухайн үеийнх нь боломж бололцоо телевиз радиогоор нэвтрүүлэх зэргээс хамаараад хотдоо л хийхээс өөр аргагүй л байсан байх. Харин одоо бол хаана ч наадсан зорьсон хүнд бол зовлонгүй очоод үзчихээр болжээ. Хаанаас ч шууд нэвтрүүлэг цацаж болохоор болж. Тэгэхээр заавал хотод наадам хийсний давуу тал гэж юу байнаа?
Хөлбөмбөгийн ДАШТ зэрэг томоохон тэмцээнүүдийг зохиохын төлөө улсууд өрсөлддөг шиг наадмаа зохиох эрхийн төлөө аймгууд өрсөлддөг болчихвол орон нутгийн хөгжилд ч хэрэгтэй байж болох талтай шүү. Амьд явбал улсын наадам үзнэ гэж муу Нацаг минь ярьдагсан. Улсын наадмыг насаараа малынхаа дэргэд радиагоор чагнасан хэдэн хөгшидөд улсын наадмыг нь нэг ч болов удаа ойртуулаад халхын нэртэй аварга арслангуудыг хажуугаас нь нэг харуулчихсан... Энэ тухай дэлгэрүүлээд ярьвал их юм бий.
Бодсон нь 3
Хөлбөмбөгийн талбайд барилдана гэхээр л нэг л бууж өгөхгүй байнаа. Одоо 2 бөх барилджаагаад торгуулын талбайд нэгнийгээ унагаавал улаан карт аваад хөөгдөх үү?
Уг нь наадмаас маань үлдсэн цөөхөн хэдхэн жинхэнэ зүйлийн нэг нь зүлэг байсан юм. Одоо тэгээл хиймэл зүлгэн дээр хиймэл наадам. Таарждээ чааваас...
Бодсон нь 4
Сүхбат аварга Өсөхбаяр аваргаас дээр эрэмблэгэдэх ёстой шдэ. Гэхдээ цаадах чинь бараг барилдахгүй байхоо... Энэ тухай надтай маргах гээд хэрэггүй шүү...
Бодсон нь 5
Аймгийн наадам ч гэсэн сумдаараа болоход яана...
Сумын наадам ч гэсэн багдаа................. нтр гэвэл арай худлаа байна уу?
Бодсон нь 6
Гарьд магнай бол миний хамгийн хайртай кино. Үг болгоныг нь цээжээр мэднэ дээ бараг л
Энэ киног манай бөхчүүд ер нь үзсэн болов уу? Молиг Очир ах нас барахдаа хэлдэгдээ. Монгол бөх ёс бус явдлаар дүүрчээ гэж. Яг өнөөдрийн тухай л хэлээд байх шиг.
Хааяа нэг бөхчүүдийн дунд иймэрхүү хүний сүгнүүд  тааралдддагийн. Чам шиг гэнэн залуу улсад их хортой доо гэдэг үг бол манайханд бүр яг тохирно. Бүгдээрээ Жигмэдүүд.  Монгол бөхийн өнөө үе бол хойч үеээ хорлож байна. Үндэсний өв их соёлыг өөрсдийн мөнгө олох хэрэгсэл болгон ашиглаж дараа үеийнхнээ өөрсдийн замаар хөтлөн оруулж байна. Хамгийн жудаггүй эрчүүд бараг бөхчүүд болж байх шиг. Гэхдээ сайхан сайхан бөхчүүд мэр сэр байгаа байхаа... НайРаа хийж унаад мөнгө авах биеээ үнэлэх хоёр бол агуулгын хувьд нээх хол зөрүүгүй дээ чааваас.  Бас тэр чадлаараа тав давж чадахгүй байж начин гээл явна гэхээр ичдэггүй юм байхдаа. Жоохон охидын хөөрхөн харагдах гэж хичээдэгтэй л адил.... Ахадчихсан цол гэдэг чинь томдчмхсон хувцас шиг эвгүй л харагдана даа. Гэснээс Гарьд магнайд бас ТӨРИЙН СОЁРХОЛ хүртээх хэрэгтэй.
Бодсон нь 7
Би өнөөдөр арай л их юм бодчихлоо. Дараа үргэлжлүүлэе....

2015.06.30 By Ардын багш